महायुतीचे उमेदवार छगन भुजबळ यांनी येवला – लासलगाव मतदारसंघात विविध विकासकामांच्या माध्यमातून विकासगंगा आणली. पाचव्या टर्मला देखील भुजबळ यांच्या लाडक्या बहिणी त्यांना विधानसभेत पाठवणार असल्याचे ठाम मत प्रतिक्षा जाधव या युवतीने व्यक्त केले. कानळद येथील रोहिदास जाधव यांच्या निवासस्थानी सौ. विशाखा भुजबळ यांनी भेट दिली असता यावेळी प्रतिक्षा जाधव यांनी सदर विश्वास व्यक्त केला. यावेळी उपस्थित इतर युवतीं सोबत देखील विशाखा भुजबळ यांनी संवाद साधला. अश्विनी जाधव, साक्षी जाधव, कोमल जाधव, आरती गलांडे, साक्षी बोरगुडे आदी आदी युवती यावेळी उपस्थित होत्या. लाडक्या बहिणींच्या भावनिक वक्तव्यामुळे भुजबळ समर्थकांमध्ये उत्साहाचे वातावरण पसरले आहे.
