निफाड न्यूज :
वाहेगांव ता. निफाड येथील २० वर्षीय युवकाचे गोई नदीत मृतदेह आढळून आल्याने परिसरात खळबळ उडाली आहे. वाहेगाव ता.निफाड येथील रोहीत लहानु पवार वय २० हा दि.३ नोव्हें सकाळी ८ वाजता कॉलेजला जातो असे सांगून घराबाहेर पडला होता, त्यानंतर त्याचा कोणाशीही संपर्क झाला नाही. याबाबत पो.पा.सचिन आहेर यांनी लासलगाव पोलिसांना खबर दिली असता पो.नाईक किशोर लासुरकर व सहकारी यांनी त्याचा कसून शोध घेतला. त्याचा शोध घेत असतांना त्याचे दप्तर गोई नदीच्या काठावर मिळाल्याने त्याचा नदीच्या पाण्यात शोध घेतला. आज (दि.४) डिसें रोजी सकाळी ९ वाजेच्या सुमारास त्याचा मृतदेह गोई नदीच्या पाण्यात मिळुन आला. लासलगाव पोलीस ठाण्यात आकस्मिक मृत्यूची नोंद करण्यात आली असून स.पो.नि.बी.जे.शिंदे यांचे मार्गदर्शनाखाली पो.हवा.वसंत हेंबाडे अधिक तपास करीत आहेत.
